Samarqand viloyati hokimligi: Erkinjon Turdimov tez orada ishga qaytadi

Samarqand viloyati hokimi Erkinjon Turdimov ta'tildan so‘ng tez orada ishga qaytadi. Bu haqda viloyat hokimligi axborot xizmati xabar bergan.

«Viloyat hokimi Erkinjon Turdimov tez fursatda (ta'tildan so‘ng) o‘z xizmat vazifalarini bajarishga kirishishini ma'lum qilamiz», deyiladi xabarda.

Eslatib o‘tamiz, 11 yanvar kuni OAVda Erkinjon Turdimov Samarqanddan Toshkentga kelgani, u infarkt bo‘lgani haqida tasdiqlanmagan xabarlar tarqalgandi.

Keyinroq viloyat hokimligi matbuot xizmati Turdimov 10 yanvar kunidan salomatligini tiklash uchun qisqa muddatli davolanish ta'tiliga chiqqanini ma'lum qilgandi.