Toshkent viloyatida 40 ta mikro GES quriladi

Toshkent viloyatida 40 ta nuqtada jami 6,59 gektar yer maydoni Energetika vazirligiga doimiy foydalanish huquqi bilan ajratib berildi. Bu haqda viloyat hokimligi xabar berdi.

Qayd qilinishicha, bu nuqtalarda mikro gidroelektr stansiyalari quriladi va tashabbuskorlarni aniqlash maqsadida yer maydonlari auksion savdoga chiqariladi.

Mikro gidroelektr stansiyalar Piskent, Ohangaron, Bekobod, Yuqori Chirchiq, Bo‘stonliq, Qibray, Chinoz, Bo‘ka, Yangiyo‘l, Zangiota tumanlari va Angren, Olmaliq, Bekobod, Chirchiq shaharlarida quriladi.

Avvalroq Toshkent viloyatida davlat zaxirasidagi qishloq xo‘jaligiga mo‘ljallanmagan 6,7 gektar yer maydoni Energetika vazirligiga doimiy foydalanish huquqi bilan ajratilgan edi.

Ta’kidlanishicha, 264 ta nuqtada GES qurish uchun aniq hududlar belgilab olingan, 102 ta hududda mikro GES qurilishi uchun yer maydonlari ajratilgan, hozir qurilish ishlari boshlangan.