Indoneziyada Zoom orqali onlayn anjumanlar o‘tkazish taqiqlandi

Indoneziya mudofaa vazirligi milliy xavfsizlikka tahdid sababli Zoom platformasidan ish maqsadlarida foydalanishni taqiqladi. Bu haqda vazirlik bosh kotibi vitse-admiral Agus Setijiga tayanib The Jakarta Post gazetasi xabar berdi.

"Vazirlikning barcha tizim va bo‘linmalari ushbu servis orqali anjumanlar o‘tkazishni to‘xtatishi shart", - deb ta'kidlagan u. 

Vitse-admiralning so‘zlariga ko‘ra, "Zoom orqali o‘tkaziladigan anjumanlarni uchinchi tomon kuzatib turishi imkoniyati mavjud".

Aprel boshlarida AQSh senati kongressi xodimlari senatorlardan xavfsizlik nuqtai nazaridan onlayn-majlislar va boshqa anjumanlar vaqtida Zoom videokonferensiyalar servisidan foydalanmaslikni so‘rashgandi. 

Shuningdek, O‘zbekiston Axborotlashtirish va telekommunikatsiyalar sohasida nazorat bo‘yicha davlat inspeksiyasi Zoom ilovasidan foydalanishda ehtiyot bo‘lishga chaqirgan.