Ichki ishlar organlarining tezkor-qidiruv faoliyati uch yo‘nalish bo‘yicha takomillashtiriladi

Ichki ishlar organlari tizimini yanada takomillashtirish bo‘yicha "Yo‘l xaritasi"ga ko‘ra, ichki ishlar organlarining tezkor-qidiruv faoliyatini qator yo‘nalishlar bo‘yicha takomillashtirish mo‘ljallanmoqda.

Ular:

• uyushgan jinoyatchilik, terrorizm va ekstremizm, giyohvand vositalar, psixotrop moddalar va ularning analoglari noqonuniy aylanmasiga qarshi kurashish chora-tadbirlari samaradorligini oshirish;
• axborot texnologiyalari va internet tarmog‘idan foydalanish sohasidagi jinoyatlarga qarshi kurashish borasida tubdan yangi mexanizmlarni joriy etish;
• tezkor bo‘linmalar faoliyatini apparat-dasturiy ta'minlash, zamonaviy axborot texnologiyalarini keng tatbiq etish.    

Amalga oshirish shakli - O‘zbekiston Respublikasi prezidentining qarori loyihasi. Ijro muddati - 2021 yil 15 may, mas'ul ijrochilar - IIV (Sobirov, To‘raxo‘jayev), Bosh prokuratura (Valiyev), DXX, Axborot texnologiyalari va kommunikatsiyalarini rivojlantirish vazirligi (Sodiqov), Moliya vazirligi (Ishmetov).