Farg‘onada ayol o‘z chaqalog‘ini o‘ldirdi

Farg‘ona viloyatining Buvayda tumanida 3 fevral kuni tuman IIBga tushgan xabarga ko‘ra, shu yil 1 fevral soat 15.00larda Chirkay mahallasida yashovchi, uy bekasi, 1981 yilda tug‘ilgan Z.R. uyi hojatxonasida jinsi o‘g‘il bolaga mansub bo‘lgan chaqaloq tug‘ib, uni parvarish qilmay qasddan o‘ldirish maqsadida, o‘zining kiyimi bilan chaqaloqning  butun tanasi va yuz qismini o‘rab, harorati sovuq bo‘lgan xonaga yashirib qo‘yishi natijasida chaqaloq vafot etgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Z.R. uyida jasadni 3 kun hech kimga bildirmay saqlab kelganligi aniqlangan. Natijada Z.R. qo‘lga olingan. Tergov harakatlari olib borilmoqda.