OAV: Tramp «oq irq ustunligi tarafdorlari»ga qarshi rezolyutsiyani imzoladi

Foto: Reuters

AQSh prezidenti Donald Tramp «oq irq ustunligi tarafdorlari»ni qoralovchi rezolyutsiyani imzoladi.

Bu haqda Associated Press xabar bermoqda.

Kongress tomonidan qabul qilingan rezolyutsiyada «Sharlottsvillda yuz bergan zo‘ravonlik va maishiy terrorchilik», shuningdek, oq irq ustunligi tarafdorlari, neonatsistlar va irqiy nafrat g‘oyasini ilgari suradigan boshqa guruhlar qoralangan, deb xabar berdi agentlik.

Avgustda AQShning sobiq prezidentlari Sharlottsvill voqealariga munosabat bildirishgandi.