Jidda-Toshkent repatriatsiya parvozlari yo‘lga qo‘yiladi

O‘zbekiston aviatsiya rasmiylarining ko‘rsatmasiga binoan Umra dasturi bo‘yicha Saudiya Arabistoniga ziyoratchilarni olib borish vaqtincha to‘xtatildi. Shu munosabat bilan Jidda-Toshkent yo‘nalishida O‘zbekiston fuqarolarini vatanga qaytarish uchun maxsus repatriatsiya reyslari tashkil etiladi.

Foto: Uzbekistan Airways

Ma’lum qilinishicha, cheklov mamlakatdagi barcha aviakompaniyalarga taalluqli bo‘lib, jumladan, Uzbekistan Airways'ning Toshkent—Jidda—Toshkent yo‘nalishidagi parvozlarini ham qamrab oladi. Qaror keyingi rasmiy ogohlantirishgacha amal qiladi.

2026 yil 2 martdan boshlab Umra dasturi doirasida Saudiya Arabistoniga borgan O‘zbekiston fuqarolarini bosqichma-bosqich vatanga qaytarish maqsadida Jiddadan Toshkentga maxsus repatriatsiya reyslari yo‘lga qo‘yiladi.

Mas’ul idoralar fuqarolardan xotirjamlikni saqlashni, rasmiy axborot manbalarini kuzatib borishni va aviakompaniya hamda turoperatorlar bilan doimiy aloqada bo‘lishni so‘ramoqda.

Keltirilgan noqulayliklar uchun uzr so‘ralib, qo‘shimcha ma’lumotlar yaqin kunlarda e’lon qilinishi bildirilgan.

Tayyorlagan Отабек Матназаров

#Jidda #aviareyc

Eron yadro dasturi bo‘yicha muzokaralar rasman tugamay turib, 2026 yil 28 fevral kuni AQSh va Isroil Eron hududiga zarbalar bera boshladi. Prezident Donald Tramp hujumlardan maqsad Tehrondagi rejimni ag‘darish ekanini e’lon qildi.