Uzbekistan Airways Rossiyaga ketayotganlardan o‘zi bilan isiriq olmaslikni so‘radi

Uzbekistan Airways Rossiyaga jo‘nab ketayotgan yo‘lovchilarga o‘zlari bilan isiriq o‘simligini olmaslikni eslatdi.

Rossiya Federatsiyasi hukumatining farmoniga ko‘ra, harmala (isiriq) o‘simligi Rossiyada giyohvand moddalarni o‘z ichiga olgan va nazorat qilinadigan o‘simliklar ro‘yxatiga kiritilgan. 

Isiriqni mamlakatga olib kirish bilan bog‘liq barcha harakatlar Rossiya Federatsiyasi Jinoyat kodeksining 229.1-moddasiga muvofiq jinoiy javobgarlikka tortiladi.

“Yuqoridagilarni inobatga olgan holda, sizdan ushbu turdagi o‘simlikni qo‘l yukingizda va bagajda olib o‘tmasligingizni so‘raymiz”, deyiladi xabarda.