Video: Yaponiyada mobil masjid namoyish etildi

Yaponiyaning Toyota shahrida ulkan yuk mashinasi shaklidagi masjid loyihasining taqdimot marosimi bo‘lib o‘tdi. Mobil masjidlar 2020 yilda Yaponiyada bo‘lib o‘tadigan yozgi olimpiya o‘yinlarida musulmon sportchilar va muxlislarga qulaylik yaratish maqsadida ishlab chiqilgan.

{Yii::t(}

O'tkazib yuborish 6s

Muallif Yosuharu Inouening fikricha, loyiha g‘oyasi Qatardagi sayohat davomida paydo bo‘lgan va 4 yil mobaynida rivojlantirib borilgan. 50 kishiga mo‘ljallangan mobil masjidlarning kengligi 48 kv. metrni tashkil etadi.

«Sayyor masjidlar yaponiyalik musulmonlar hamda mamlakatga tashrif buyuradigan musulmon sayyohlar uchun juda muhim», – deydi taqdimotda ishtirok etgan indoneziyalik talaba Nur Aziza.

Ma'lum qilinishicha, Yaponiyada 100 mingdan 200 minggacha islom diniga e'tiqod qiluvchi aholi yashaydi.

«Bag‘rikeng va mehmondo‘st xalq sifatida bu g‘oyani musulmon ahli bilan ham bo‘lishishni xohladik», - deb izoh bergan loyiha muallifi.

Masjidlar ibodat uchun barcha qulayliklarga ega, jumladan tahorat olish uchun ham sharoit yaratilgan. Keyinchalik bunday masjidlardan boshqa ko‘plab musobaqalarda ham foydalanilishi kutilmoqda.