Xususiy tibbiyot muassasalari kimlarga bepul tibbiy xizmatlar ko‘rsatadi?

 O‘zbekistonda xususiy tibbiyot muassasalari tomonidan (stomatologiya va kosmetologiya xizmatlari ko‘rsatuvchi muassasalar bundan mustasno) ba'zi shaxslarga bepul tibbiy xizmatlar ko‘rsatiladi. 

Adliya vazirligi telegram-kanali xabariga ko‘ra, ular quyidagilardir:

o‘zgalarning parvarishiga muhtoj bo‘lgan yolg‘iz keksalar va yolg‘iz yashovchi keksalar; 

I va II guruh nogironlari, nogiron bolalar; 

muomalaga layoqatsiz va muomala layoqati cheklangan fuqarolar; 

ijtimoiy ahamiyatga molik kasalliklarga chalingan shaxslar; 

yetim bolalar va ota-ona qaramog‘idan mahrum bo‘lgan bolalar; 

1941–1945 yillardagi urush nogironlari va qatnashchilari, shuningdek ularga tenglashtirilgan shaxslar; 

1941–1945 yillardagi urush davrida front ortida mehnat qilganlar.