Tramp yo‘qolib qolgan saudiyalik jurnalistning taqdiridan tashvishga tushdi

Foto: AP Photo / Evan Vucci

AQSh prezidenti Donald Tramp saudiyalik muxolifatchi jurnalist Jamol Qoshiqchining Turkiyada izsiz yo‘qolishidan tashvishda ekanini bildirdi. Bu haqda RIA «Novosti» Oq uy matbuot xizmatiga tayanib xabar beradi.

Qo‘shma Shtatlar prezidentining so‘zlariga ko‘ra, bu holat «uni tashvishga solmoqda».

Shuningdek, uning qo‘shimcha qilishicha, hozirgi vaqtda «hech kim bu haqda hech narsa bilmaydi».

Eslatib o‘tamiz, avvalroq Turkiya Saudiya Arabistoniga Istanbulda joylashgan mamlakat bosh konsulxonasida tintuv o‘tkazishga ruxsat berishni so‘rab murojaat qilgandi.

Bunday murojaat saudiyalik muxolif jurnalist Jamol Qoshiqchining izsiz yo‘qolishi bilan bog‘liq. Mavjud ma'lumotlarga ko‘ra, tintuv o‘tkazish iltimosi tufayli Turkiya tomoni Saudiya Arabistonining mamlakat hududidagi elchisini chaqirtirgan.

#Saudiya Arabistoni #Turkiya #Donald Tramp #Jamol Qoshiqchi

The Washington Post nashri uchun ishlaydigan jurnalist Jamol Qoshiqchi 2 oktabr kuni Saudiya Arabistonining Istanbuldagi bosh konsulligi binosiga kirib ketgach, izsiz yo‘qoldi