Avtomobillarga ekologik stiker berish 2025 yil 1 martdan boshlanadi
Hukumat qarori bilan barcha toifadagi avtomototransportlarni ekostikerlash muddati bir yilga uzaytirildi. Avvalroq bu tizim shu yil 1 iyunda boshlanishi belgilangandi.
O‘zbekistonda “Ekologik transport” tizimini joriy qilish kechiktirildi. Vazirlar Mahkamasining 3 iyul kungi qarori bilan, tizim 2025 yilning 1 martdan boshlab yo‘lga qo‘yiladi.
Hukumatning avvalroq qabul qilingan qarorida bu muddat 2024 yil 1 iyun deb ko‘rsatilgandi.
“Ekologik transport” tizimi doirasida, barcha toifadagi avtomototransport vositalarining atmosfera havosiga zararli ta’siri bo‘yicha normativlarga mosligi nazorat qilinadi.
Transport vositalari ekologiyaga zarari darajasidan kelib chiqib “qizil”, “sariq” va “yashil” toifalarga bo‘linadi, xuddi shunday, shaharlardagi hududlar ham uchta toifaga ajratilib, atrof-muhitga zarari yuqori avtomobillarning muayyan zonalarga kirishi cheklanadi.
Mavzuga oid
21:39 / 17.09.2024
Olimlar Antarktida ustidagi ozon teshigining qisqarganini e’lon qildi
19:03 / 14.09.2024
Qirg‘iziston prezidenti dam olish maskanini chiqindilardan tozaladi
17:30 / 14.09.2024
“Farhod” chegara postida 400 dona toshbaqani olib ketayotgan Tojikiston fuqarosi to‘xtatib qolindi
19:00 / 13.09.2024