Ku-kluks-klan Tramp g‘alabasi sharafiga parad o‘tkazadi

Amerikadagi ultrao‘ng tashkilot bo‘lmish Ku-kluks-klan (KKK) Tramp prezident saylovida g‘alaba qozongani munosabati bilan Shimoliy Karolinada parad o‘tkazmoqchi. Bu haqda The Independent xabar bergan.

"G‘alaba marshi" "Ku-kluks-klanning sodiq oq ritsarlari" guruhi tomonidan 3 dekabr kuni Pelem shahri hududida o‘tkaziladi. Aniq joy nomi keltirilmagan.

Bundan oldinroq KKK ta'siridagi nashrlardan biri maqolasida Tramp qo‘llab-quvvatlangan maqola chop etilgandi. Ammo Trampning saylovoldi shtabidagilar "nafratning istalgan ko‘rinishi"ni qoralashlari haqida aytib, maqola muallifi Trampni qo‘llab-quvvatlayotgan millionlab amerikaliklarning qarashlarini ifodalamasligini iddao etishgandi.