Bir kechada ikkita yangilik: Kia O‘zbekistonda yangilangan Sportage va Carens modellarini taqdim etdi

Taqdimot dinamik formatda o‘tkazildi. Interaktiv hududlar, Bullet Time fotosuratlar maydoni va musiqa jo‘rligi jonli, zamonaviy muhitni hosil qildi. Boshlovchining tabrik so‘zi va bosh ekranda intro-rolik namoyishidan so‘ng Kia brendi direktori Georgiy Shoniya nutq so‘zladi.

U o‘z nutqida yangilangan modellarning brend uchun ahamiyati va ularning mijozlar uchun dolzarbligini ta’kidladi:

«Kia Carens va Kia Sportage — minglab oilalar va haydovchilarning ishonchi va mehrini qozongan modellardir. Ushbu modellar yangi qiyofada yanada ifodali, texnologik va puxta o‘ylangan bo‘lib, ular tanlanishiga sabab bo‘ladigan eng muhim jihatlar — qulaylik, xavfsizlik va har bir kilometrga bo‘lgan ishonchni saqlab qolishdi».

Shundan so‘ng brend mutaxassislari avtomobillarning dizayni, jihozlanishi va texnik xususiyatlaridagi o‘zgarishlar haqida batafsil ma’lumot berishdi. Taqdimot jonli tarzda asosiy ekranga uzatish bilan birga amalga oshirildi.

Kia Sportage: texnologik jihozlangan zamonaviy krossover

Yangilangan Kia Sportage Opposites United dizayn falsafasiga muvofiq ishlab chiqilgan va yangilangan tashqi ko‘rinishga erishgan. «Yulduzlar xaritasi» brendli yoritish texnikasi, 3D tasvirga ega yangi radiator panjarasi, vertikal LED farlar va dinamik qarshi olish yoritkichi modelning zamonaviy va tan olinadigan qiyofasini shakllantiradi.

Intererda muhim element sifatida raqamli asboblar paneli va 12,3 dyuymli multimedia tizimini birlashtirgan panoramali egilgan displey hisoblanadi. Puxta o‘ylangan ergonomika, zamonaviy qoplama materiallari, konturli yoritish va yaxshilangan shovqin izolyatsiyasi umumiy qulaylik darajasini oshiradi.

Yangi funksional yechimlar orasida:

● avtoturargohga joylashtirishda yo‘l belgilarini nazorat qilishni osonlashtiradigan orqa tomonga harakatlanishda avtomat tarzda egilish funksiyasiga ega orqa tomonni ko‘rish oynasi;

● yoqimsiz hidlar paydo bo‘lishining oldini olish uchun konditsionerning sovituvchi bug‘latkichini havo yordamida puflab yuborish funksiyasi;

● X-Line komplektatsiyasida mavjud bo‘lgan old oynaga proyeksiya qilingan displey (HUD).

O‘zbekiston bozori uchun Kia Sportage 2.0 MPI va 2.5 GDI benzinli dvigatellari avtomat transmissiya bilan taklif etiladi. Model faol xavfsizlik va haydovchiga yordam tizimlarining kengaytirilgan ADAS kompleksi, jumladan, intellektual kruiz-nazorat va to‘qnashuvlarning oldini olish bo‘yicha yordamchilar bilan jihozlangan.

Yangilangan Kia Sportage narxi 454 900 000 so‘mdan boshlanadi.

Kia Carens: kundalik foydalanish uchun funksional format

Yangilangan Kia Carens kundalik foydalanishda funksionallik, kenglik va qulaylik muhim bo‘lgan mijozlarga yo‘naltirilgan. Model «Yulduzlar xaritasi» konsepsiyasida vertikal LED optikasi, kuzovning butun kengligi bo‘ylab yorug‘lik chizig‘i va yangilangan bamper dizayni bilan qayta ishlangan ko‘rinishga ega bo‘ldi.

Interer ixcham uslubda ishlangan bo‘lib, qulaylikka e’tibor qaratilgan. Panoramali displey asboblar paneli va 12,3 dyuymli multimedia ekranini birlashtiradi. 64 ta tusdan iborat ko‘p rangli atmosfera yoritkichi va o‘zbek tilidagi interfeysga ega multimedia tizimi zamonaviy foydalanuvchi taassurotini shakllantiradi.

Jihozlar ro‘yxatiga model uchun yangi opsiyalar kiritildi:

● haydovchi o‘rindig‘ini elektr yordamida sozlash;

● haydovchiga yordam tizimlarining kengaytirilgan ADAS majmuasi;

● elektr yordamida to‘xtab turish tormozi (EPB).

Kuch agregatlari turkumiga IVT variatorli transmissiyaga ega 1.5 MPI benzinli dvigatel va 7 pog‘onali DCT bilan birgalikda 160 ot kuchiga ega 1.5 Turbo-GDI kiradi. Standart jihozlanishda oltita xavfsizlik yostiqchasi mavjud.

Yangilangan Kia Carens narxi 339 900 000 so‘mdan boshlanadi.

Taqdimot doirasida yangilangan modellarni birinchi bo‘lib xarid qilgan mijozlarga kalitlar tantanali ravishda topshirildi. Rasmiy qismdan so‘ng mehmonlar avtomobillar bilan batafsil tanishish, jihozlanish darajasini baholash va mutaxassislar maslahatini olish imkoniyatiga ega bo‘ldilar.

Yangilangan Kia Sportage va Kia Carens taqdimoti brendning modellar turkumini rivojlantirish va O‘zbekiston bozorida taqdim etilgan asosiy modellarni yangilashga izchil yondashuvini ta’kidladi.

Telefon: (+998) 55-500-83-33

Sayt | Facebook | Instagram | Telegram | YouTube

Reklama huquqi asosida