Orzu o‘yin maydoniga tushganda: O‘zbekistonda Kia x FIFA 2026™ bolalar tanlovi g‘olibi aniqlandi

Bir necha hafta davomida butun mamlakat bo‘ylab bolalar o‘z hikoyalari bilan – futbolga bo‘lgan muhabbat, orzular va o‘ziga ishonch haqidagi qisqa videolar orqali o‘rtoqlashdi. Tanlovda 10 yoshdan 14 yoshgacha bo‘lgan bolalar ishtirok etdi: ba’zilar futboldagi o‘z mahoratini, boshqalar o‘z aktyorlik iste’dodini namoyish etdi, yana ayrimlar esa nega futbol uning uchun o‘yindan ko‘ra muhimroq ekanini samimiy tarzda so‘zlab berdi.

Har bir ijodiy ish shunchaki rolik bo‘lmay, balki shaxsiy hikoya – oilaning qo‘llab-quvvatlashi, o‘zini ko‘rsatish jasorati va imkonsiz ko‘ringan narsaning iloji borligiga bo‘lgan bolalarcha ishonch haqida edi.

Nukuslik 11 yoshli Jahongir Sodiqov (@djaha_ili_djoha) tanlovning g‘olibi sifatida e’lon qilindi. Uning videosi eng ko‘p ball to‘pladi va hakamlar hay’atining fikriga ko‘ra, tanlovning samimiy, jonli va haqiqiy ruhini boshqalardan ko‘ra kuchliroq aks ettirdi.

Ijodiy ishlarga Kia Uzbekistan vakillari, Kia Rossiya va MDH prezidenti va bosh direktori Jaewoo Yim, shuningdek, futbol bo‘yicha milliy terma jamoa fan-klubi raisi Abdurahmon Fozilov baho berdi. Nafaqat ijodkorlik va ijro sifati, balki bolaning hissiyligi, futbol bilan aloqasi va mustaqilligi ham diqqat markazida bo‘ldi.

G‘olib nomi 15 mart kuni @kia__uzbekistan Instagram sahifasining jonli efirida – bu tanlovni kuzatib borgan yuzlab ishtirokchilar va tomoshabinlar uchun avj nuqtasi bo‘lgan lahzada e’lon qilindi.

Endi Jahongirni AQSh safari kutmoqda, u yerda Jahon chempionati o‘yinlarini tomosha qiladi va 2026 yil 23 iyun kuni Xyustondagi o‘yin maydoniga – endi tomoshabin sifatida emas, balki jahon futboli katta sahnasining bir bo‘lagi sifatida chiqadi.

Mazkur tanlov oddiy, ammo muhim bir jihatni eslatib turadi: ulkan voqealar kichik orzudan boshlanadi!

Telefon: (+998) 55-500-83-33

Sayt | Facebook | Instagram | Telegram | YouTube

Reklama huquqi asosida