Lukashenko Belarus bosh vazirini almashtirdi

Belarus prezidenti Aleksandr Lukashenko mamlakat hukumatining yangi rahbarini tayinladi. Bu haqda «BelTA» agentligi xabar bermoqda.

Ta'kidlanishicha, bosh vazir lavozimini Rivojlanish bankining sobiq rahbari Sergey Rumas egalladi. Bundan avval Vazirlar Mahkamasiga Andrey Kobyakov rahbarlik qilayotgandi. Bundan tashqari bunga qadar vazirlar kengashi apparatida rahbar lavozimida ishlab kelgan Aleksandr Turchin bosh vazirning birinchi o‘rinbosariga aylandi.

Avvalroq, Lukashenko Sanoat hamda Qurilish va arxitektura vazirliklarining rahbarlarini iste'foga chiqarish haqida topshiriq bergandi. Shuningdek, Davlat harbiy sanoat qo‘mitasi raisi va Xavfsizlik kengashi davlat kotibi xizmatga butunlay noloyiq ekani haqida ma'lum qildi.