Telegram’ni Rossiyada bloklay boshlashdi

Roskomnadzor vakillari Rossiyadagi aloqa operatorlariga Telegram messenjeriga kirish cheklanayotgani haqida ma'lumot jo‘natdi. Bu haqda idora o‘z saytida xabar bergan.

«Roskomnadzorga Taganskiy tuman sudining Rossiya hududida Telegram Messenger Limited Liability Partnership ma'lumotni internetda tarqatish tashkilotchisi internet-resurslariga kirish cheklangani haqidagi qarori kelib tushdi. Shu sababdan ushbu internet-resurslar haqidagi ma'lumot dushanba, 16 aprel kuni aloqa operatorlariga – kirishni cheklab qo‘yish maqsadida yuborildi», - deyiladi rasmiy xabar matnida.

Eslatib o‘tamiz, avvalroq Telegram asoschisi Pavel Durov Moskva shahar Taganka sudining Rossiya hududida messenjerni bloklash haqidagi qaroriga izoh bergandi.

Mavzuga oid: Telegram’ning Rossiyada bloklanishi O‘zbekistonga qanday ta'sir qiladi?