Iyun oyida Italiyaga 20 mingdan ziyod muhojir keldi

Italiyaga iyun oyida kelgan muhojirlar soni o‘tgan oyga nisbatan 24 foizga ko‘paydi. Bu haqda YeS Frontex chegara agentligi xabar bermoqda.

Iyun oyida Italiya qirg‘oqlariga 22 ming 500 nafar kishi kelgan. Shu ma'noda, yil boshidan Italiyaga kelgan muhojirlarning umumiy miqdori 70 ming kishiga yetdi. Bu taxminan o‘tgan yilgi natija bilan barobardir.

Yevropa Ikkinchi jahon urushi davridan keyin judayam kuchli muhojirlik inqiroziga duch keldi. Bunga Yaqin Sharq va Shimoliy Afrikadagi qurolli to‘qnashuvlar va iqtisodiy nochorlik sabab bo‘lmoqda.