Singapur Iroqqa harbiy shifokorlarni yuboradi

2017 yilning boshida Singapur Iroqqa tibbiy guruh jo‘natadi. U shu bilan aksilterror koalitsiyadagi ishtirokini kengaytiradi. Straits Times nashri xabariga ko‘ra, bu haqda AQSh prezidenti Barak Obama va Singapur bosh vaziri Li Syan Lun o‘rtasida bo‘lib o‘tgan suhbat davomida aytib o‘tilgan.

«Terrorchilar hozirgacha turli mamlakatlardan ko‘mak olib turishgan ekan, ular sayyoradagi istalgan davlatga xavf solishlari mumkin, jumladan, Singapurga ham. Aynan shuning uchun mamlakat Afg‘onistonda terrorizmga qarshi kurashga qo‘shilgan edi. Endi u IShIDga qarshi kurashni Iroq va Suriyada davom ettiradi», — degan Singapur bosh vaziri.

Bundan avvalroq, Singapur mudofaa vaziri tibbiy guruh a'zolari IShIDdan jabr ko‘rgan askarlarga, tinch aholi vakillariga yordam ko‘rsatishini ma'lum qilgan edi.