Poroshenko: Rossiya Ukrainani «o‘z imperiya»siga qo‘shib olmoqchi

Ukraina prezidenti Petr Poroshenkoning bayonot berishicha, Rossiyaning maqsadi Ukrainani to‘liq bosib olishdan iboratdir. U, CNN telekanaliga bergan intervyusida shunday fikrni bildirgan.

Uning so‘zlariga ko‘ra, go‘yo Rossiya Ukrainani «Rossiya imperiyasi»ning ajralmas qismi bo‘lishini xohlaydi.

«Ularning maqsadi bitta — dunyodagi xavfsizlik bilan bog‘liq vaziyatni izdan chiqarish», — degan Poroshenko.

Avvalroq, Ukraina davlat rahbari, AQSh va YeI mamlakatlari Rossiyaga qarshi iqtisodiy jazo choralarini davom ettirishi lozim, degandi.