Boliviyada ish tashlagan konchilar mamlakat IIV rahbari o‘rinbosarini o‘ldirishdi

Boliviya IIV rahbari o‘rinbosari Rodolfo Ilyanes ish tashlash namoyishini o‘tkazayotgan konchilar tomonidan garovga olindi va o‘ldirildi. Bu haqda Boliviya IIV rahbari Karlos Romero ma'lum qilgan. Ilyanes konchilar bilan muzokara o‘tkazish uchun yo‘l olgan bir paytda garovga olingan edi.

Amaldorning o‘limini mamlakat mudofaa vaziri Reymi Ferrera ham tasdiqlagan. Uning aniqlik kiritishicha, Ilyanesni o‘lib qolguncha kaltaklashgan.

Ilyanesni garovga olganlar mahalliy radiostansiyaga intervyu bergan va amaldorni ozod etish shartlari sifatida hukumat mehnat qonunchiligini o‘zgartirishi va muzokaralar olib borishi zarurligini ilgari surishgan edi.

56 yoshli amaldorni Panduro shahrida garovga olishadi. Amaldor u yerga konchilar tomonidan to‘silgan avtomagistralni ozod etishlarini so‘rab, yo‘l olgan edi.