Qirg‘iziston mamlakat poytaxtida xavfsizlik choralarini kuchaytirmoqda

Qirg‘iziston prezidenti mamlakat poytaxti Bishkek shahrida xavfsizlik choralarini kuchaytirish va xorijiy elchixonalarni qo‘riqlash ishlarini kuchaytirish to‘g‘risida ko‘rsatma berdi. Bunga, 30-avgust kuni ertalab, hudkush terrorchi avtomobilda Xitoy elchixonasiga borib urilgach, portlash yuz bergani sabab bo‘lgan. 

Bu voqea oqibatida 5 kishi yengil jarohatlangan. Hujum qilgan terrorchi o‘zini portlatib yuborgan. Hodisa “terrorchilik” deya baholangan. Rasmiy Pekin voqeaga "jiddiy terrorchilik hujumi", deya izoh bergan. 

"Prezident Almazbek Atambayev poytaxt va mintaqalarda aksilterror amaliyotlarni olib borish, xususan muhim ahamiyatga molik va diplomatik vakolatxonalarni qo‘riqlashni kuchaytirishga ko‘rsatma berdi", - deyiladi davlat rahbari saytida.