Avstraliyaning Melburnida qirg‘iy xitoylik oila ustiga tirik ilon tashladi

Avstraliyaning Melburnidagi bog‘lardan birida qirg‘iy Yarra daryosi bo‘yida piknik uyushtirayotgan xitoylik oila ustiga tirik ilon tashladi, deb xabar bermoqda Daily Mail.

Ta'kidlanishicha, oila a'zolaridan biri daryo ustidan uchayotgan qirg‘iyni payqagan va uni videoga olmoqchi bo‘lgan. Shu on yirtqich qush dam olayotganlar yoniga uchib kelib, ularning ustiga panjasidagi tirik ilonni tashlagan.

Shundan keyin qo‘rqib ketgan odamlar turli tomonga qocha boshlaganlar. Ilon ham qo‘rqib ketib, qochib qolgan.

Nashrning ma'lum qilishicha, ushbu holat videosi YouTube’da joylashtirilgan.