Liberty Media «Formula-1» aksiyalarini xarid qilishning birinchi bosqichini yakunladi

Liberty Media «Formula-1» aksiyalarining bir qismini xarid qilgani to‘g‘risidagi xabarlarni tasdiqladi. Bu esa, mediakompaniyaning «qirollik poygalari»ni namoyish etish bo‘yicha to‘liq huquqni sotish olish bo‘yicha ilk qadamdir. 

Liberty Media «Formula-1»ning 18,7 foiz aksiyasini salkam 4,5 mlrd dollar evaziga xarid qildi, deb ma'lumot tarqatgan Sky Sports.

Navbatdagi bitimda, «F-1»ning majoritar aksiyadori CVC Capital kompaniyasidan aksiyalarning barchasini sotib olish ko‘zda tutilgan. To‘liq summasi 8 mlrd dollar atrofida bo‘lishi kutilayotgan savdo yaqin haftalarda amalga oshishi mumkin. Biroq, dastavval, aksiyalarning ikkinchi qismini xarid qilish bitimini turli xil nazorat qiluvchi va monopoliyaga qarshi organlar, jumladan Butunjahon avtomobil federatsiyasi (FIA) tomonidan tasdiqlanishi kerak.