ShHT doirasida hudkush terrorchilar to‘g‘risida ma'lumotlar bazasi tashkil etiladi

Shanxay hamkorlik tashkilotining mintaqaviy aksilterror tuzilmasi Kengashi hudkush terrorchilar xususida ma'lumotlar bazasini shakllantirishga qaror qildi. 

«Rossiya shunday tashabbus bilan chiqdi. Biz hozir bu borada qaror qabul qildik»,— deya ma'lum qilgan Rossiya FXX direktori birinchi o‘rinbosari Sergey Smirnov kengash majlisi yakunida. 

Uning qayd etishicha, ShHT doirasida qidiruv ro‘yxati va terrorizmga qarshi kurash bo‘yicha ma'lumotlar bazasi mavjud. Bugungi kunda unda 2,5 ming shaxs va 69ta tashkilot nomi bor. 

Uning so‘zlariga ko‘ra, terrorchilik faoliyatiga aloqador shaxs va tashkilotlar xususida axborot almashinuvi juda muhim. 

«Hudkush terrorchilar — yashash joyidan g‘oyib bo‘lgan hamda ularning qayerdaligini, qayerda ehtimoliy tayyorgarlikdan o‘tayotganini hech kim bilmaydiganlardir»,— deb aniqlik kiritgan FXX rahbari birinchi o‘rinbosari.