AQSh va Isroil harbiy yordam haqida kelishuv imzoladi

AQSh va Isroil hukumatlari xavfsizlik masalasiga taalluqli bo‘lgan harbiy hamkorlik haqidagi memorandumni imzoladi, deb xabar bermoqda Reuters axborot agentligi. 

Ta'kidlanishicha, AQSh 2018 yil oxiridan 2028 yilgacha Isroilga 38 mlrd dollarlik yordam ajratadi. Bunda Isroil har yili 3,3 mlrd dollar hamda raketalarga qarshi mudofaa ehtiyojlari uchun yana 500 mln dollar oladi.   

Hujjatga ko‘ra, Isroil vaqti kelib AQShda ishlab chiqarilmagan qurol-aslahani sotib olishni to‘xtatishi kerak bo‘ladi. Bundan tashqari, Isroilga ajratilgan mablag‘larni harbiy texnika uchun yoqilg‘i sotib olishga ishlatish taqiqlanadi.   

Shuningdek, Isroil qo‘shimcha 5-avloddagi F-35 samolyotlarini sotib olishi mumkin.