O‘zbekistonlik bokschilar Rossiyada o‘tgan musobaqada 6 ta medalni qo‘lga kiritishdi

O‘zbekistonlik yosh bokschilar Rossiyada o‘tkazilgan xalqaro turnirda 2 oltin, 3 kumush va 1 bronza medalga sazovor bo‘ldi. Bu haqda O‘zA xabar bermoqda. 

O‘zbekiston, Xitoy, Mo‘g‘uliston, Afg‘oniston, Armaniston, Qozog‘iston va Rossiya davlatlaridan saksondan ziyod sportchi ishtirokida o‘tgan xalqaro turnirda Sulaymon Latipov va Ulug‘bek Do‘stmurodov o‘z vazn toifasida shohsupaning eng yuqori pog‘onasiga ko‘tarildi. Mironshoh Ibrohimov, Alyor Noraliyev, Ulug‘bek Mubinov ikkinchi va Hasanboy Latifoxunov uchinchi o‘rinni egalladi.