Erdo‘g‘an Ukrainaning Qrimdagi da'volarini qo‘llab-quvvatlaydi
Turkiya prezidenti Rajab Toyyib Erdo‘g‘an Ukraina prezidenti Pyotr Poroshenko bilan o‘tkazgan uchrashuvida Qrim masalasida Kiyevni qo‘llab-quvvatlash masalasi o‘zgarmasligini ta'kidlagan. Bu haqda, Ukraina davlat rahbari sayti xabar qilmoqda.
"Rajab Toyyib Erdo‘g‘an qayd etganidek, Turkiya Ukraina suvereniteti va hududiy yaxlitligini tiklashda Kiyevni, ham ikki tomonlama, hamda ko‘p tomonlama jihatdan qo‘llab-quvvatlashda davom etadi", - deyiladi xabarda. Poroshenko matbuot-xizmatida ma'lum qilishlaricha, "Rossiya bilan aloqalarning tiklanishi Turkiyaning bu masaladagi qarashi o‘zgarishiga sabab bo‘lmaydi".
Bundan tashqari, davlat rahbarlari savdo va investitsiyalarga oid masalalarni ham muhokama etgan.
"Ukraina prezidenti Turkiya kompaniyalarini mamlakatdagi korxonalarni xususiylashtirishda ishtirok etishga chaqirgan", - deya qo‘shimcha qilgan matbuot xizmati.
Ular, shuningdek, yaqin orada energetika masalasi bo‘yicha ukrain-turk ishchi guruhining uchrashuvini tashkil etishga kelishib olishgan.
Mavzuga oid
21:33 / 25.09.2024
Germaniya «Shimoliy oqim»dagi portlash ishi bo‘yicha bir qancha order berdi
19:43 / 25.09.2024
Rossiyalik mulozimlar va The Washington Post tahlilchilari Kremlning yadroviy tahdidlari «endi hech kimni qo‘rqitmaydi» deyishmoqda
17:41 / 25.09.2024
Ukrainada erkak organizmidan oltita gayka kaliti chiqarib olindi
16:30 / 25.09.2024