Tramp: AQSh "dunyo politsiyachisi" bo‘la olmaydi

AQSh prezidenti lavozimiga nomzodlar Hillari Klinton va Donald Tramp 26 sentabr kuni Nyu-Yorkdan 40 km uzoqlikda joylashgan Hempsted shahridagi Hofstr universitetida birinchi marta teledebatlarda yuzma-yuz uchrashdi.

Saylovda respublikachilar partiyasidan nomzod bo‘lmish Donald Tramp teledebat vaqtida aytdiki, AQSh "dunyo politsiyachisi" rolini bajara olmaydi.

"Biz dunyo politsiyachisi vazifasini bajara olmaymiz. Biz butun dunyodagi mamlakatlarni himoya qila olmaymiz. Qolaversa, ular bizga to‘lashmaydi", degan Tramp.