Yangi Volkswagen haydovchisiz yuradi

Germaniyaning Volkswagen kompaniyasi Parij avtosaloniga muqobil boshqarishga ega elektromobil kontseptini keltirdi. I.D. deb nomlangan model kapoti ostiga 170 ot kuchiga ega elektromotor o‘rnatilgan bo‘lib, u 400-600 km masofaga yeta oladi. 

Mashinaning o‘ziga xos jihatlaridan biri — havoning qarshiligini kamaytirishi uchun maxsus ishlab chiqilgan g‘ildirak disklaridir. Uning intereri Open Space konsepsiyasi asosida jihozlangan.

Avtokonsern 2016 yil iyunida 2025 yilgacha rivojlanish dasturini e'lon qilgan edi. Unda kompaniya yo‘lovchi mashinalar ishlab chiqarish borasida elektr va muqobil boshqaruvga ega avtomobillarga ko‘proq e'tibor qaratishi belgilangan. 

Shunday qilib, oradan 9 yil o‘tgach, korxona tomonidan ishlab chiqilayotgan mahsulotlar orasida 30 elektromobil bo‘ladi. Ularning yillik savdosi 2-3 mln donani tashkil etadi. Bundan tashqari, kompaniya elektr transport vositalari uchun mobil ilovalarni ishlab chiqishni yo‘lga qo‘yadi.