Obama qisqa muddatli byudjyetni imzoladi

AQSh prezidenti Barak Obama hukumatni prezidentlik saylovlaridan keyingi davr – 9 dekabrgacha moliyalashtirishni uzaytiruvchi byudjyet loyihasini imzoladi, deb ma'lum qildi Oq uy.   

AQSh kongressi vakillar palatasi 28 sentabrda senat ortidan hukumat ishining to‘xtatib qo‘yilmasligi uchun uni moliyalashtirishni uzaytirish qarorini qo‘llab-quvvatladi. Qaror moliyaviy yil yakunlanishi munosabati bilan 30 sentabrgacha qabul qilinishi kerak edi, aks holda federal muassasalar noma'lum muddatga yopilishi mumkin edi.