Gruziya muxolifati Saakashvilini supurgilar bilan kutib olishga chiqdi

Gruziyaning «Topadze — sanoatchilar, Bizning Gruziya» saylov bloki vakillari respublikaning Turkiya bilan chegarasiga supurgilar bilan kelishgan. Ular, sobiq davlat rahbari Mixail Saakashvilining kelishi ehtimoliga noroziliklarini shu tarzda izhor qilishgan, deya xabar qilmoqda «Interfaks» agentligi.

Siyosiy birlashma tarqatgan bayonotga ko‘ra, blok tarafdorlari Saakashvilining Gruziyaga kelishiga qarshi chiqib, hukumatdan bunga yo‘l qo‘ymaslikni talab qilmoqda. Namoyish tashkilotchilarning o‘zlari Turkiya-Gruziya chegarasida siyosatchining kelishi ehtimoliga qarshi miting tashkil etishga qaror qilishgan. 

Gruziya poytaxti Tbilisi shahridagi Atirgul maydonida Saakashvili prezidentligi davrida hukumat partiyasi bo‘lgan «Yagona milliy harakat»ning 10 mingdan 20 minggacha tarafdori to‘plangani xabar qilinayapti. Ukrainaning Odessa viloyati gubernatori Saakashvili videoaloqa vositasida miting ishtirokchilariga murojaat qilib, 8 oktabr kungi saylovlarda partiya g‘alaba qozongudek bo‘lsa, respublikaga qaytishini bildirgan.