40dan ortiq afg‘onistonlik harbiy AQShdagi mashg‘ulotlardan qochib ketgani ma'lum bo‘ldi

AQShdagi mashg‘ulotlar vaqtida 40 nafardan ortiq harbiy qochib ketgan. Bu haqda Pentagon matbuot kotibi Piter Kuk ma'lum qilgan.

"So‘nggi ikki yil yoki shu atrofida. Bundaylar soni 40dan ziyodni tashkil etdi...", — dedi Kuk.

Uning so‘zlariga ko‘ra, Pentagon ulardan 32 nafari qayerda ekani haqida aniq ma'lumotga ega.

"Biz bor e'tiborimizni ularning harakatiga va maqsadlariga qaratishimiz kerak. Ayrim hollarga ko‘ra, ular uylariga qaytib ketishyapti. Ayrimlari esa Kanadaga o‘tib ketishyapti. Yana ayrimlari AQShda qonuniy asosda qolishgan”, — dedi Kuk.