Filippin AQShning harbiy yordamiga muhtoj emasligini ma'lum qildi

Filippin AQSh harbiy yordamisiz ham nimadir qila oladi va muammolarni qurolli kuchlarni moliyalashtirmasdan ham hal etadi. Bu haqda mamlakat mudofaa vaziri Delfin Lorenzana gapirib o‘tgan.

«Biz AQSh yordamisiz ham nimadir qila olamiz», — deya uning so‘zlaridan iqtibos keltirmoqda Reuters. 

Avvalroq, Filippin prezidenti Rodrigo Duterte agar AQSh unga qurol sotishni istamasa, unda Rossiyaga murojaat qilishini ma'lum qilgan edi. Bundan tashqari, uning so‘zlariga ko‘ra, Xitoy ham Filippin bilan harbiy shartnoma qilishga tayyor.