iPhone uchun "portlovchi" g‘ilof namoyish etildi

Foto: Feng.com

UNIQFIND kompaniyasi iPhone uchun yangi g‘ilof yaratdi, u yordamida telefonni yonib ketgan Samsung Galaxy Note 7'ga "aylantirish" mumkin. Bu haqida high-tech.ru'da ma'lum qilindi.

G‘ilofda akkumulyator yonishidan jabr ko‘rgan Note 7 smartfonining paneli tasviri tushirilgan. Hattoki Samsung logosining bir qismini ham ko‘rish mumkin.

Aksessuar iPhone 5 va undan keyin ishlab chiqarilgan smartfonlarga moslangan.

Samsung kompaniyasi yangi Galaxy Note 7 flagmanini zaryadlash vaqtida turli muammolarga duch kelgandi. Keyinchalik kompaniya smartfonning “xavfsiz” modelni ishlab chiqardi, biroq unda ham akkumulyator bilan bog‘liq muammolar yuzaga keldi. Natijada bu smartfonni ishlab chiqarish hamda uni sotishni to‘xtatishga qaror qilindi.