Juno zondi Yupiter sayyorasiga yaqinlashishga tayyorgarlik ko‘rmoqda

NASA agentligining Yupiter sayyorasiga yuborgan fazoviy qurilmasi – Juno zondi xavfsiz “uyqu” tartibidan uyg‘ondi. Ayni vaqtda ulkan Yupiter orbitasida bo‘lib turgan apparat, uchinchi marta sayyoraga yaqinlashish uchun hozirlik ko‘rmoqda, deya xabar qilmoqda Amerika Fazo agentligi.
 
«Juno kutilganidek, dam olish tartibidan chiqdi va bizning buyruqlarimizga javob bermoqda», —degan dastur rahbari Rik Nibakken.

Ma'lum bo‘lishicha, Juno o‘z faoliyatini to‘liq tiklagach, «Yupiterga yaqinlashish arafasida dvigatellarni qisqa muddatga ishlatib ko‘rgan».

Mutaxassislar, zondning kompyuter tizimi mustaqil ravishda dam olish tartibiga o‘tganiga nima sabab bo‘lganini aniqlash ustida ish olib bormoqda. 

Rejaga ko‘ra, noyabr oyi boshlarida zondning barcha ilmiy-tadqiqot uskunalari ishga tushiriladi. Zond 11 dekabrda ulkan gazli sayyoraga yaqinlasha boshlaydi.