Nissan furgondan avtoidora barpo qildi

Yaponiyaning Nissan kompaniyasi e-NV200 elektrfurgoni negizida g‘ildirakli idora barpo qildi. Ishlab chiqaruvchi tomonidan WORKSPACe deb nomlangan avtomobil biznes markazlaridagi qimmat idora binolari, kovorking va so‘nggi vaqtlarda ommalashib borayotgan hotdesking (bir necha kishining turli vaqtlarda bir ish o‘rnidan foydalanishi) o‘rnini bosishi mumkin.

Furgon Britaniyaning Studio Hardie dizayn studiyasi bilan hamkorlikda ishlab chiqilgan. NV200 kuzovining hajmi — 4,2 kub metrni tashkil etadi.

Avtomobil ichida haqiqiy ish joyi barpo etilgan deyish mumkin: stol, sensor ekranli kompyuter, simsiz internet, Bluetooth-audiotizim, smartfon vositasida boshqariluvchi atmosferali yorug‘lik diodli chiroq, telefon uchun simsiz quvvatlagich, muzlatgich va hatto, elektrsimni tortish bilan stol ostidan chiquvchi qahva tayyorlovchi mashina ham o‘rnatilgan.

Nissan e-NV200 furgoni Leaf elektrokarining 109 ot kuchiga ega elektromotori bilan harakatlanadi. Uning harakatlanish zaxirasi 170 kmni tashkil etadi.