Yaponiyadagi AQSh HDK bazasi qurshab olindi

Yaponiyaning Sasebo shahrida AQSh harbiy-dengiz kuchlari bazasi, u yerda otishma ro‘y bergani to‘g‘risidagi xabarlardan so‘ng qurshab olindi, deya xabar qilmoqda ABC News telekanali.

Harbiy inshoot qo‘mondonligi bayonotida aytilishicha, xavfsizlik kuchlari baza hududidagi binolardan birida otishma sodir bo‘lgani haqida xabar olgach, barcha odamlarni ko‘chirgan. 

Ta'kidlanishicha, xavfsizlik xizmati va o‘t o‘chiruvchilar bazani barcha hududini qurshab olgan. Binolarda tekshiruv ishlari olib borilmoqda.
 
Jabrlanganlar yo‘q. Shunga qaramay, baza hududida bo‘lib turganlarga boshpanadan chiqmaslikka ko‘rsatma berilgan.