"Afg‘on Mona Lizasi" Pokistondan chiqarib yuboriladi

4 noyabr kuni Pokiston sudi afg‘on millatiga mansub va “Afg‘on Mona Lizasi” nomi bilan mashhur bo‘lgan Sharbat Gulaga nisbatan 15 kunlik qamoq jazosi va 110 ming rupiya (ming dollar atrofida) jarima jazosi qo‘lladi. Shundan so‘ng, u Pokistondan chiqarib yuboriladi. Bu haqda Express Tribune xabar berdi.

Gula shaxsini tasdiqlovchi soxta hujjat olib yurganini tan olgan. Peshovarda o‘tgan sud qaroriga ko‘ra, unga belgilangan muddat hukm e'lon qilingan sanadan boshlanadi.

Islomoboddagi Afg‘oniston elchisi sud qarorini qo‘llab-quvvatlagan.

Gula 26 oktabr kuni qalbaki hujjat olib yurishda ayblanib, Peshovarda qo‘lga olingan edi.