Germaniya prezidenti Trampning g‘alaba qilishidan xavotirda
Germaniya prezidenti Yoaxim Gauk AQSh prezidentlik saylovlariga bir kun qolganda Respublikachilar partiyasi nomzodi Donald Trampning g‘alaba qozonishidan xavotirda ekanligini bildirdi. Bu haqida Deutsche Welle nashri xabar qildi.
"Donald Trampdan prezident sifatida nimalar kutish mumkinligini oldindan aytib bo‘lmaydi", - dedi Gauk.
GFR prezidenti Trampning g‘olib bo‘lishi aksariyat AQSh va Germaniya fuqarolari kabi uni ham xavotirga solayotganini ta'kidladi.
"Vashingtonga qarab xavotirga tushaman", - dedi GFR rahbari.
Shunday bo‘lsa-da, u "prezidentga yakka hokimlik usullari bilan hukmronlik qilishga yo‘l qo‘ymaydigan Amerika demokratiyasi, nazorat qilish va muvozanat tizimi" saqlanib qolishiga umid bildirdi.
6 noyabrda Emnid kompaniyasi tomonidan chop etilgan ijtimoiy so‘rovlar Germaniyaning 77 foiz fuqarosi Tramp saylovda g‘alaba qozongan taqdirda AQSh va GFR o‘rtasidagi munosabatlarning salbiy tus olishidan cho‘chishini ko‘rsatdi.
Washington Post va ABC News tomonidan o‘tkazilgan so‘nggi so‘rovnomalarga ko‘ra, Klinton Trampni 5 foizga ortda qoldirmoqda.
Eslatib o‘tamiz, AQSh prezidentlik saylovlari ertaga, 8 noyabr kuni bo‘lib o‘tadi.
Mavzuga oid
15:39
AQShda avtomobillar uchun Xitoy va Rossiyada chiqarilgan ehtiyot qismlar importini taqiqlash taklif etildi
14:03
Importga yuqori tariflar va AQSh sanoatini qayta jonlantirish – Tramp iqtisodiyot bo‘yicha rejalarini e’lon qildi
13:30
O‘zbekiston tashqi ishlar vaziri AQSh nodavlat tashkilotlari rahbarlarini qabul qildi
19:37 / 24.09.2024