Moskvada eng baland simli ko‘prik quriladi

Moskva arxitektura qo‘mitasi Moskva daryosi ustidan o‘tuvchi eng baland simli ko‘prik qurilishini ma'qulladi. Uni qurish ishlari keyingi yildan boshlanadi. Bu haqda Moskva hokimiyatining rasmiy portalida xabar berilgan.

Ma'lum qilinishicha, ko‘prik “Narodnogo Opolcheniya” va “Nijniye Mnevniki” ko‘chalarini bog‘lab turadi. Y harfining teskari shaklini eslatib turuvchi 137 metrli machta ko‘prikni metall trosslar yordamida ushlab turadi.

Yangi ko‘prikning har tomonida uchyoqlama harakat qilishga imkon beruvchi oltita yo‘l bo‘ladi. Ko‘prikning uzunligi 528 metrni, qirg‘oqdagi estakadadan boshlab hisoblanganda 650 metrni tashkil etadi.