Rossiyalik ekspert: Tramp O‘rta Osiyo mamlakatlari uchun xavfsizroq prezident

Rossiyalik ekspertlar Donald Trampning g‘alabasi oqibatlari haqida fikr bildirishmoqda. Rossiya Xalqaro ishlar kengashi eksperti Nikita Mendkovichning Sputnik Tojikiston uchun intervyusida aytib o‘tishicha, Donald Tramp barcha mamlakat va xalqlar bilan tinchlik siyosati olib borish tarafdori hisoblanadi. 

Ekspertning fikriga ko‘ra, Trampning saylovoldi kampaniyasi, asosan AQSh ichida amalga oshirilishi kerak bo‘lgan o‘zgarishlarga qaratilgan edi. Jumladan, soliqlar, tibbiyot, yangi ish o‘rinlari yaratish muammolarini hal qilishga qaratilgan.

"Hillari Klinton esa, tajovuzkor tashqi siyosat tarafdori edi, chunki u Davlat kotibi bo‘lib ishlagan yillarida O‘rta Osiyo mamlakatlarining ichki ishlariga aralashib, Tojikiston, Qozog‘iston, Qirg‘iziston va O‘zbekistonning Rossiya bilan yaqinlashuviga qarshi faoliyat olib borgandi", — deydi ekspert.

Ekspertning fikricha, Tramp o‘z nutqlarida barcha mamlakatlarga nisbatan tinchlikparvar tashqi siyosat tarafdori bo‘lgan. Tramp uchun tashqi siyosat ikkinchi o‘rinda, lekin prezident bo‘lganidan keyin bularning barchasi o‘zgarishi ham mumkin.

"Shunisi aniq-ki, Tojikiston va O‘zbekiston uchun Tramp Klintonga nisbatan xavfsizroq prezident bo‘ladi", deydi u.