Erdo‘g‘an Turkiyaning ta'siri chegaralaridan ancha uzoqqacha cho‘zilishini aytib o‘tdi

Turkiya prezidenti Rajab Toyib Erdo‘g‘an Turkiya biror bir davlatga nisbatan hududiy e'tirozlarga ega emasligini ma'lum qildi, deb xabar bermoqda Anadolu axborot agentligi.  

Uning aytishicha, Turkiyaning ta'siri uning chegaralaridan ancha uzoqqa cho‘ziladi. "Biz o‘z chegaralarimiz bilan cheklanib qolmaymiz. Suriya, Iroq, Bolqon va Kavkazdagi voqealar bevosita Turkiyaga ta'sir o‘tkazadi", deb ta'kidlab o‘tdi Erdo‘g‘an. 

Erdo‘g‘an yangi Turkiyaning yaratilishi boshida respublika asoschisi Mustafo Kamol Otaturk turganini ta'kidlab o‘tdi.  

Erdo‘g‘an 15 iyuldagi davlat to‘ntaruviga urinish vaqtida respublika va demokratiyani himoya qilgan fuqarolar pozitsiyasiga yuqori baho berdi. 

Avvalroq Erdo‘g‘an G‘arb Turkiya uchun hech qanday yaxshi narsa qilmaganini va mamlakat o‘z muammolarini mustaqil hal qila olishini aytgandi.