Kanadalik neft qazib oluvchilar Chechenistonga 15 milliard dollar investitsiya kiritadi

Kanadaning neft qazib oluvchi kompaniyasi bo‘lmish Genoil va «Grozneft» Rossiyada neft qazib olish va uni qayta ishlash borasida 50 milliard dollarlik shartnoma imzoladi. Bu haqda Genoil ma'lumotlariga asoslanib, «Vedomosti» xabar bermoqda.

Nashrning ma'lum qilishicha, Genoil kompaniyasi Chechenistondagi loyihaga 15 milliard dollar miqdorida investitsiya kiritishni rejalashtirgan.

«Biz Rossiyadan nimadir sotib olishni istamaymiz, biz investitsiya bilan kelganmiz», —deb kompaniya vakilining so‘zlaridan iqtibos keltiradi nashr.

Shu bois Rossiya iqtisodiyot taraqqiyoti vazirligining ma'lum qilishicha, bu borada hech qanday hujjat qabul qilishmagan.