BAAda 3D-printerda chop etilgan ilk bino foydalanishga topshirildi

Twitter.com /HH Sheikh Mohammed

Birlashgan Arab Amirliklarining Dubay shahrida Yer yuzidagi 3D-printerda chop etilgan birinchi bino foydalanishga topshirildi. Bu haqda amirlikning Dubai Media Office matbuot xizmati xabar qilmoqda.

Inshoot butunlay uch o‘lchamli chop etish vositasida barpo etilgan. Detallarni ishlab chiqishga 17 kun, yig‘ishga yana ikki kun talab qilingan. Bino elektr quvvati iste'molini tejovchi innovatsion texnologiyalar bilan jihozlangan.

Mazkur inshoot shahar markazidagi Emirates Towers yaqiniga joylashtirilgan.

Avvalroq, Yaponiyaning Honda kompaniyasi 3D-printerda ishlab chiqilgan avtomobilini namoyish etgani xabar qilingan edi.