Tyumen viloyatida ro‘y bergan yong‘inda halok bo‘lganlar tojikistonliklardir

Rossiyaning Tyumen viloyati Yurginsk qishlog‘idan 7 km uzoqlikdagi "Absolyut Agro" MChJga qarashli parrandachilik fermasining qurilish maydonida yong‘in yuz bergani haqida avval xabar qilingan edi. 32 kvadrat metr maydonda yashash uchun o‘rnatilgan vagonlarda yong‘in sodir bo‘lgani oqibatida 7 kishi halok bo‘lgan, yana 3 kishi jabrlangan. 

Ayni vaqtga kelib, halok bo‘lganlarning barchasi tojikistonlik mehnat muhojirlari ekani aniqlangan. 

Voqea 19 noyabrga o‘tar kechasi ro‘y bergan. Dastlabki ma'lumotlarga ko‘ra, halok bo‘lganlar va jabrlanganlar shu yerda qurilish ishlarini olib borgan. Fojia sabablari o‘rganilmoqda.