Nazarboyev islohotlarga qarshi chiqqan mulozimlarga qanday choralar ko‘radi?

 Qozog‘iston prezidenti Nursulton Nazarboyevning so‘zlariga ko‘ra, joylardagi mahalliy mulozimlar huquq-tartibot idoralaridagi islohotlarga qarshilik ko‘rsatmoqda, deb xabar qilmoqda KazTAG.

«Mahalliy boshqaruv organlariga hisobot topshiruvchi mahalliy politsiya xizmati yo‘lga qo‘yilgan. Ichki ishlar vazirligini shunday yo‘l tutishga majbur qilish o‘z-o‘zidan bo‘lgani yo‘q. Shu yerdan, Ostonadan Qozog‘istonni boshqaraman, deya to‘sqinlik qilmoqchi bo‘lishadi», - degan Nazarboyev Respublika sud'yalari VII s'yezdida. 

«Agar, men belgilab bergan islohotlar bajarilmas ekan, islohotlarni oxiriga yetkazish uchun mulozimlarni almashtirish lozim bo‘ladi», - deya qo‘shimcha qilgan Qozog‘iston rahbari. 

Nazarboyevga ko‘ra, nafaqat, ichki ishlar vazirligi, balki boshqa idoralarning ham  shug‘ullanadigan muammolari va vazifalarining ko‘lami keng.