Hillari Klinton Donald Trampdan qancha ko‘p ovoz olgani ma'lum qilindi

AQSh prezidentligi uchun prezidentlik saylovlarida Demokratik partiya nomzodi Hillari Klinton raqibidan 2 mln saylovchining ko‘proq ishonchiga sazovor bo‘lgan, deb xabar qilmoqda Cook Political Report. 

So‘nggi ma'lumotlarga ko‘ra, Klinton xonimga 64,2 mln amerikalik ovoz bergan, AQShning yangi saylangan prezidenti Donald Tramp nomzodini 62,2 million kishi qo‘llab-quvvatlagan. 

Ushbu holat, AQSh tarixidagi mag‘lub bo‘lgan nomzod saylangan prezidentga qaraganda ko‘proq ovoz to‘plashi bilan bog‘liq beshinchi hodisadir.