Qirg‘izistondagi referendum bo‘lib o‘tgan hisoblanadi

Qirg‘iziston Markaziy Saylov komissiyasi ma'lum qilishicha, Konstitutsiyaga o‘zgartirishlar kiritish bo‘yicha referendumda referendum bo‘lib o‘tdi deb hisoblanishi uchun yetarli sonda saylovchi ishtirok etgan.

Bugun Asosiy qonunini o‘zgartirish bo‘yicha referendumdan tashqari mahalliy hokimiyat organlariga saylovlar bo‘lib o‘tmoqda.

MSK ma'lumotiga ko‘ra, ovoz berishlar boshlanganidan 8 soatga yaqin vaqt o‘tganida davomat 30 foizdan oshgan va bu referendum bo‘lib o‘tdi deb hisoblanishi uchun yetarli bo‘ladi.

Bundan oldinroq, Qirg‘iziston prezidenti Almazbek Atambayev odamlar referendumga kelishini so‘rab, duo qilishini aytib o‘tgandi.

Bugun 2010 yilda o‘sha vaqtdagi prezident Kurmanbek Bakiyev tuzumi ag‘darilganidan keyin qabul qilingan konstitutsiyani o‘zgartirish bo‘yicha umumxalq referendumi bo‘lib o‘tmoqda. O‘zgartishlar mualliflarining qayd etishlaricha, asosiy maqsad hokimiyat organlari o‘rtasidagi o‘zaro muvozanatni ta'minlash va mamlakatda parlament hokimiyatini mustahkamlashdan iborat. 

Qirg‘iziston prezidenti Konstitutsiyaning yangi variantini yo‘qotmaslikka va'da berdi