Oq uy ma'muriyati yangi davlat kotibligiga nomzod xususida izoh berdi

AQShning amaldagi ma'muriyati yangi saylangan prezident Donald Trampning ExxonMobil rahbari Reks Tillersonni davlat kotibligiga tavsiya qilish yuzasidan qarorini izohladi. 

Tramp Tillersonni AQSh davlat kotibligiga tayinlashi haqida 13 dekabrda rasman e'lon qilgan edi. Albatta, bunda Tillerson nomzodi AQSh Kongressi Senati tomonidan tasdiqlanishi kerak. Unda respublikachilar partiyasi biroz ustunlikka ega. 

"Saylangan prezident o‘zining saylovoldi kampaniyasini Rossiya bilan munosabatlarni iliqlashtirishini ta'kidlash bilan o‘tkazdi. Shuning uchun ham — RF prezidenti Vladimir Putin “Do‘stlik” ordeni bilan mukofotlagan kishini davlat kotibligiga tanlash eng yaxshi usuldir. Buning kutilmagan va hayron qoladigan joyi yo‘q", — degan Oq uy matbuot kotibi Josh Ernest matbuot brifingida. 

Uning ta'kidlashicha, ayrim kongressmenlar Tillersonning Rossiya bilan bunday aloqalariga jiddiy qiziqishlari aniq. 

Shu bilan birga, Ernestning tan olishicha, Tillerson "keskin savollarga javob berish borasida qobiliyatga ega". 

Tillerson Rossiya rahbari Vladimir Putin bilan bir necha marotaba uchrashgan.